Aukinn sýnileiki - Hvað er það eiginlega?

Pólitísk umræða á Íslandi undanfarna mánuði hefur einkennst af hugtökum á borð við heiðarleika og aukið gagnsæi. Niðurstöður þjóðfundarins árið 2009 voru sem dæmi að þátttakendur vildu helst af öllu sjá aukinn heiðarleika í samfélaginu. 

Tæknin er orðin svo mikil að gagnsæi grasserar um víðan völl. Það sem fólk þarf þó að gera sér grein fyrir er að það er ekki endilega samasem merki á milli gagnsæi og heiðarleiki. Gagnsæi gerir hlutina bara sýnilegri. Eins og með allt annað er svo hægt að nota gagnsæið til góðra jafnt sem slæmra verka.

Vissulega verður aukinn sýnileiki oft til þess að hægt er að bregðast fljótar og betur við óæskilegri hegðun. Eins og morðunum í Kólumbíu.  Og það er vonandi að lögreglunni takist að forða fleiri ungmönnum frá ótímabæru andláti. En hvort þeim takist að breyta menningarsamfélaginu í Kólumbíu og uppræta glæpagengjahegðunina... það er kannski ekki alveg gerlegt fyrir eitt stykki rannsóknarteymi, hversu sérstakt sem það nú er.

En þetta er gott dæmi um flókið samskiptamynstur sem Facebook hefur dregið fram í dagsljósið. Eða ætti maður kannski að segja "fram í tölvuskímuna"? Svona eins og vandræðaleg augnablik þegar einn aðili vill ekki vingast við annan á Facebook. Eða þegar einn aðili gleymir hverjir tilheyra vinahópnum hans og setur óviðeigandi athugasemdir á vegginn sinn. Detta þér í hug fleiri flókin samskiptamynstur sem Facebook varpar ljósi á?

 

Ungmenni á dauðalista á Facebook

Athugasemdir

[Sumarliði Einar Daðason, 25.8.2010 kl. 13:05]

Góð ábending hjá þér. Það þarf að passa sig vel, sérstaklega þegar "vinir" hlaupa á hundruðum ef ekki þúsundum.

[Veftengill, 25.8.2010 kl. 13:12]

Já, það eru sem betur fer til ýmsar leiðir til að "flokka" vinina á Facebook, þannig að þeir allra nánustu geti séð meira efni heldur en kunningjarnir. Tekur kannski smá tiltekt í kollinum til að koma þessu í gagnið, en ákaflega einfalt að fylgja því eftir. Mæli með því að fólk sem er komið með hundruði og jafnvel þúsundir vina kíki á þessa grein um "vinaflokkun": http://www.engadget.com/2010/07/13/how-to-effectively-manage-your-facebook-privacy-settings-with-l/

Getur vel verið að ég snari leiðbeiningunum yfir á íslensku á næstunni og setji hér inn ef einhverjum leiðist að lesa leiðbeiningar á ensku.